Bllokohen mbi 200 mijë euro të padeklaruara në pikën kufitare Sukobin - Muriqan

202.060 euro të padeklaruara janë zbuluar brenda një çante nën sediljen e një shoferi shqiptar në pikën e kalimit kufitar Sukobin – Muriçan.

Ngjarja ka ndodhur me 23 gusht, ndërsa bëhet me dije se për ngjarjen është njoftuar dhe prokurori i shtetit i Malit të Zi.

Paratë e gjetura të padeklaruara janë mbajtur përkohësisht deri në përfundimin e procedurës.

Njoftimi i policisë:

Në pikën e kalimit kufitar Sukobin - Muriqan, më 23 gusht, gjatë kontrollit të një automjeti të pasagjerëve të drejtuar nga shtetas i Republikës së Shqipërisë, janë gjetur një sasi e madhe parash të padeklaruara.

Konkretisht, në pjesën e automjetit nën kruskotin e përparmë djathtas është gjetur një qese najloni në të cilën ka pasur një sasi të madhe të kartëmonedhave në prerje prej 50 euro.

Pas kontrollit të imtësishëm, nën sediljen e shoferit është gjetur një tjetër çantë me para. Shuma totale e parave të padeklaruara të gjetura është 202.060 euro.

Punonjësit e Drejtorisë së të Ardhurave dhe Doganave kontrollin e mjetit e kanë kryer në bashkëpunim me pjesëtarë të Drejtorisë Policore të Malit të Zi dhe punonjës të doganave dhe policisë të Republikës së Shqipërisë.

Për ngjarjen është njoftuar prokurori i shtetit të Malit të Zi. Paratë e gjetura të padeklaruara janë mbajtur përkohësisht deri në përfundimin e procedurës.