Mark Zuckerberg planifikon të punojë nga shtëpia për të paktën 6 muajt e ardhshëm

Facebook po u jep punonjësve të saj më shumë fleksibilitet për të punuar jashtë zyrës.

Mark Zuckerberg u tha punonjësve të mërkurës se ai është duke planifikuar që ata të punojnë në distancë për të paktën gjysmën e vitit të ardhshëm.

Ky plan i Facebook, ishte publikuar edhe më parë nga Ëall Street Jornual, por tashmë ky është konfirmuar nga vetë Zuckerberg.

“Gjatë kësaj periudhe që kam punuar në distancë më është dhënë koha të jem më pranë familjes dhe kjo gjë më ka bërë më të lumtur dhe më produktiv në punë”, mësohet të jetë shprehur Zuckerberg.

Të mërkurën, Facebook ( FB ) tha se do të lejojë punonjësit në të gjitha nivelet e kompanisë të punojnë në distancë nëse roli i tyre i lejon ata ta bëjnë këtë. 

Facebook gjithashtu do të zgjerojë gradualisht aftësinë për të punuar në distancë përtej kufijve, duke filluar javën e ardhshme me punonjës që duan të lëvizin nga Shtetet e Bashkuara në Kanada dhe nga kudo në Evropë ose Lindjen e Mesme dhe Mbretërinë e Bashkuar.

Zuckerberg më parë ka thënë se ai pret që të paktën gjysma e fuqisë punëtore e Facebook të jetë larg zyrave 10 vitet e ardhshme.

Burimi: CNN Business Përshtati: MCNtv.al