Një ditë pasi një 81-vjeçare u gjet e vdekur në shtëpinë e saj, policia e Durrësit ka vënë në pranga nipin 21-vjeçar, me dyshimin për vrasje.
Sipas policisë, dyshohet se Floresha Shkurti është vrarë nga Redmon Gruda, 21 vjeç, i cili jetonte bashkë me të. Mendohet se i riu e ka goditur me thikë disa herë në kokë gruan e moshuar.
Një ditë më parë, Floresha Shkurti u gjet e pajetë nga fqinjët në banesën e saj, në lagjen nr 16. Në kokën e viktimës u konstatuan plagë të rënda, çka bëri që policia të ngrinte menjëherë dyshimet për vrasje.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale” Vrasja për shkak të marrëdhënieve familjare”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
