Drejtori i Përgjithshëm i Policisë së Shtetit, Haki Çako është shkarkuar nga detyra.
Këshilli i Ministrave ka miratuar lirimin nga detyra të kreut të Policisë së Shtetit pas propozimit të ministrit të Brendshëm, Fatmir Xhafaj.
Vetë Xhafaj pati sot një takim gjatë të cilit e falënderoi Drejtues Madhor Çakon për punën dhe bashkëpunimin e deritanishëm, në përmbushjen e misionit të Policisë së Shtetit.
Në detyrën e kreut të Policisë së Shtetit është komanduar Rebani Jaupaj.
Jaupaj mbante postin e zëvendësdrejtorit të Policisë së Shtetit, që prej nëntorit të vitit 2015, kur u emërua me urdhër të ministrit të Brendshëm, Saimir Tahiri.
Në të njëjtën ditë me emërimin në detyrë, po me urdhër të Tahirit, atij iu dha edhe grada policore “Drejtues i Lartë”.
Jaupaj do të ushtrojë funksionet e kreut të Policisë së Shtetit deri në emërimin e drejtorit të ri të Përgjithshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
