Mexico City, metropoli më i madh i Amerikës së Veriut, regjistroi ditën e djeshme temperaturën e saj më të lartë ndonjëherë 34.7 gradë Celsius duke thyer rekordin e mëparshëm 34.3 gradë Celsius (93.7 gradë Fahrenheit) më 9 maj.
Shkencëtarët në Universitetin Kombëtar Autonom të Meksikës kanë paralajmëruar se rritja e nxehtësisë mund të sjellë temperatura të reja rekord në qytet gjatë dy javëve të ardhshme.
Në Meksikë, 48 persona kanë vdekur për shkak të valëve intensive të të nxehtit që janë regjistruar që nga muaji mars.
Ndryshimet klimatike të shkaktuara nga njerëzit dhe El Nino kanë rritur temperaturat në mbarë botën dhe kanë shkaktuar valë vdekjeprurëse të të nxehtit.
Vala e të nxehtit vjen mes një thatësire të rëndë mbarëkombëtare që ka shkaktuar një krizë të përkeqësuar të ujit në pjesën më të madhe të Meksikës, duke e bërë ujin një çështje kyçe në zgjedhjet e përgjithshme të qershorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
