Drejtori i organizatave ndërkombëtare në Ministrinë për Europën dhe Punët e Jashtme, Sokol Gjoka, deklaroi në edicionin e lajmeve në MCN TV se ka dijeni për disa kërkesa nga ukrainasit për t’u strehuar në Shqipëri, por bëhet fjalë për një numër të vogël.
I pyetur nëse Serbia po shërben si një korridor për Rusinë në Ballkan, Gjoka tha:
Ballkani i Hapur ka destinacion tjetër, u shërben vendeve të Ballkanit Perëndimor dhe nuk shikohet ndonjë politikë divesive nga një vend jashtë rajonit që të ndikojë në politikat e rajonit”.
Sa i takon mundësisë të strehimit të shtetasve ukrainas në Shqipëri, ish-ambasadori thotë:
Kryeministri është shprehur i gatshëm të presë shtetas të Ukrainës që kërkojnë të strehohen përkohësisht në vendin tonë. Ne kemi treguar mikpritje për njerëzit në nevojë. Shqipëria ofron mikpritjen e saj edhe për shtetas ukrainas brenda kapaciteteve tona përballuese. Mesa kemi ndjekur, jam njohur me disa kërkesa, që nuk përbëjnë një numër të konsiderueshëm”,
Ndërsa u ndal te masat kufizuese të Tiranës zyrtare ndaj Moskës, Gjoka u shpreh:
Masat kufizuese ose të sanksioneve që kanë filluar të aplikohen janë përkrahur edhe nga Shqipëria. Po përgatit legjislacionin që masat shtrënguese t’i bëjë të aplikueshme. Ka kostot e veta. Jemi të gatshëm t’i paguajmë këto kosto duke qenë se bëhen për një qëllim të madh”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
