Një 34-vjeçar nga Tirana, i dyshuar si autor i disa vjedhjeve të marketeve në qytetin e Sarandës, është arrestuar nga policia në flagrancë.
Blutë e qytetit bregdetar, gjatë orëve të para të mëngjesit të ditës së sotme kanë bërë të mundur kapjen dhe arrestimin në flagrancë të njërit nga autorët e disa vjedhje të marketeve në qytetin e Sarandës, si dhe po punohet për identifikimin dhe kapjen e bashkëautorit tjetër.
Policia ka kapur dhe arrestuar në flagrancë shtetasin Ardit Shehu, 34 vjeç, banues në Tiranë, i cili rezulton me dy emra të tjerë, K.N dhe J. N..
Sipas Policisë, "Gjatë patrullimit ka konstatuar dy persona të cilët porsa kanë parë punonjësit e Policisë, janë larguar me shpejtësi, njëri në këmbë e tjetri me një automjet Volkswagen. Patrulla e Policisë është vënë në ndjekje të tyre, ku në rrugën ''Abedin Dine'', në lagjen ''Nr.2'', Sarandë, shërbimet e Policisë kanë bërë të mundur bllokimin e automjetit si dhe kapjen e arrestimin e njërit prej tyre konkretisht shtetasin A.Sh, ndërsa personi tjetër që u largua në këmbë ka mundur të largohet duke përfituar edhe nga errësira.
Ndërkohë po vijon puna për identifikimin dhe kapjen e bashkëautorit tjetër me të cilin ky shtetas kryente vjedhjet.
Materialet hetimore do ti referohen Prokurorisë Sarandë për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
