Aktivistët për mbrojtjen e mjedisit do ta dërgojnë në gjykatë qeverinë norvegjeze për t’i kundërshtuar planet e saj për të bërë shpine dhe kërkime të reja për naftë në ujërat e Arktikut. Qeveria e ka marrë këtë vendim pavarësisht zotimit për luftimin e krizës mjedisore.
Organizatat “Greenpeace Nordic” dhe “Natyra dhe Rinia e Norvegjisë” do të dorëzojnë ankesë ndaj vendimit të gjykatës për miratimin e planit të qeverisë për nxjerrje të naftës në disa pjesë të Oqeanit Arktik me arsyetimin se një plan i tillë e shkel të drejtën e popullit për të pasur mjedis të sigurt dhe të shëndetshëm, shkruan “The Guardian”.
Grupet mjedisore pritet të ankohen se vendimi i qeverisë është në kundërshtim me ligjin kushtetues që e detyron qeverinë të sigurojë mjedis të shëndoshë për gjeneratat e tanishme dhe të ardhshme. Aktivistët thonë se plani i qeverisë bie ndesh edhe me Marrëveshjen e Parisit për Klimën.
Ndryshe, Norvegjia është zotuar për të ofruar ndihmë në luftimin e gazrave të karbonit përmes heqjes dorë nga investimi në karburante, por qeveria e këtij vendi ka vazhduar t’i përkrahë projektet e reja për nxjerrje të naftës.
Sasia e përgjithshme e lirimit të gazrave të karbonit në vendin e pasur me naftë pritet të rritet për 16 për qind këtë vit në krahasim me vitin e kaluar, sepse kompanitë e naftës i kanë hapur 130 puse të naftës dhe gazit gjatë vitit 2019.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
