Gazetarja Anduena Llabani në studion e MCN Liave ka komentuar përplasjen e punonjësve të policisë me deputetë e opozitës para kuvendit ku njëri prej tyre i ka drejtuar armën deputeti Luan Baçi.
Ajo tha se në çdo rast nxjerrja e armës nga ana e policisë është shkelje dhe se policia dhe garda nuk duhet të përdorin armë.
Pavarësisht se është një rrip që qëndron brenda perimetrit të institucionit ku qëndrojnë deputetët, nga një komunikim që pata me drejtuesin e gardës së republikës dhe prej tij ra një reagim se nga radhët e gardës nuk është cënuar asnjë deputet dhe asnjë politikan.
Pra ka një kakofoni, duhet të kuptojmë se kush ka qenë, sepse rrethi i parë që është në aksion me deputetët e opozitës janë policia, ndërsa garda është në një perimetër më të ngushtë me kuvendin, ajo që ka ndodhur duhet parë mirë, është kapelja që i heq dhe pastaj arma apo anasjelltas, duhet parë mirë, por edhe në se ka prapavijë veprimi i deputetit Baçi prapë nxjerrja e armës nga punonjësi i policisë është një shkelje.
Mesa duket ka pasur informacione se deputetët e opozitës do tentonin të thyenin gardhin për të vijuar me atë që ata e quajnë mosbindje civile. Dua të dal te një kërkesë që vetë nga brenda kuvendit deputeti Braçe ka deklaruar brenda sallës se po ju rrezikohet jeta ndaj policia dhe garda duhet të marrin përsipër sigurinë për jetën e tyre, kjo ka qenë dhe arsyeja e blindimit të tyre.
Pra mosbindja civile ka shkuar dhe përtej asaj djegies së karrigeve, prishjes së objekteve dhe subjekteve, por vetë deputetët e PS sot janë ndjerë të kërcënuar nga kjo mosbindje civile.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
