Të shtëna me armë zjarri janë shënuar mëngjesin e sotëm në Shkodër, ku raportohet për dy viktima dhe dy të plagosur.
Ngjarja e rëndë ka ndodhur në ambientet e një lokali pranë bashkisë, ndërkohë që rrethanat nuk dihen ende.
Mësohet se viktimë ka mbetur Armando Pali dhe Liridon Kraja dhe një nga të plagosurit është Erogen Vaso i njohur ndryshe Erogen Brajoviç dhe një grua e cila ndodhej në lokal.
Viktima Pali rezulton të jetë pjesë e Inspektoriatit të Mbrojtjes së Territorit, ndërsa Kraja ishte truproja i Erogen Vasos.
Pak pas ngjarjes, policia ka arrestuar autorin e dyshuar Ragip Gila 28 vjeç.
Aktualisht vijojnë hetimet për zbardhjen e shënjestrës dhe motivit të krimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
