Edhe sot ka vijuar të jetë i lartë fluksi i lëvizjeve në pikën e kalimit kufitar të Qafë Thanës, duke sjellë radhë të gjata në hyrje nga vendi fqinj në drejtim të vendit tonë.
Vetëm gjatë dy ditëve të fundit nga Maqedonia e Veriut në drejtim të Shqipërisë kanë hyrë më shumë se 11 mijë shtetas, raporton korrespondentja e MCN TV.
Për të përballuar fluksin në rritje në hyrje po punohet me 5 sportele, 4 prej të cilëve për automjete të vogla.
Burime pranë Policisë Kufitare thanë se për të shmangur radhët e gjata policia shqiptare dhe ajo maqedonase kanë punuar në kontrolle të përbashkëta, punojnë me procedurë të përshpejtuar ndërkohë që të dy policitë kufitare punojnë me orare të zgjatura kontrolli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
