"Togeri i Millosheviçit po përpiqet ta zhbëjë paqen, por nuk do ta lejojmë"

Presidentja e Kosovës, Vjosa Osmani, deklaroi sot se presidenti i Serbisë, Aleksandar Vuçiç, po përpiqet ta zhbëjë atë që është arritur në rajon së bashku me SHBA dhe BE.

Por Osmani thekson se një gjë e tillë nuk do të lejohet dhe liria do të vazhdojë të mbizotërojë në rajon.

“Mbi 2 dekada pasi Millosheviçi shkatërroi Kroacinë, Bosnjën dhe Kosovën, togeri i tij Vuçiç tani po përpiqet të zhbëjë gjithçka që kemi arritur së bashku me SHBA-në dhe BE-në: paqen, lirinë dhe bashkëjetesën mes bashkësive të ndryshme. Ne do të punojmë me aleatët tanë dhe nuk do të lejojmë që këto arritje të zhbëhen. Liria do të mbizotërojë”, ka shkruar Osmani në rrjetin "X".