Tre serbë janë arrestuar nga njësiti policor pasi janë vërejtur se ishin duke qarkulluar në një arë me automjetin e tyre në mes të fshatit Gushtericë dhe Dobratin të Graçanicës.
Gjatë kontrollit në automjetin e tyre është gjetur dhe konfiskuar një sprej si dhe detektor për kërkimin e metaleve. Sipas policisë, gjatë intervistimit të dyshuarit kanë deklaruar se kishin dalë për kërkimin e një qypi të arit, sipas tyre të fshehur kohë më parë.
Gjatë verifikimit është konstatuar se njëri nga të dyshuarit kërkohet nga Gjykata në Prishtinë, andaj i njëjti dërgohet në vuajtje të dënimit, ndërsa dy të dyshuarit tjerë me urdhër të prokurorit lirohen në procedurë të rregullt./KosovaPress/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
