Polica ka finalizuar sot operacionin policor “Bristani”, për parandalimin dhe goditjen e tentativës për kontrabandim në drejtim të Italisë, të migrantëve nga vendet e treta.
Operacioni është zhvilluar nga DVP Vlorë, në bashkëpunim me Drejtorinë Hetimore në DPPSH, Delta Force dhe Guardia di Finanza, ndërkohë që në pranga kanë rënë 5 persona dhe një tjetër është shpallur në kërkim si i përfshirë në këtë veprimtari.
5 autorët e dyshuar të kësaj ngjarje të cilët janë vënë në pranga janë:
-K. Gj., 38 vjeç, banues në Vlorë;
-M. Sh., 61 vjeç, me shtetësi Egjiptiane;
-F. B., 36 vjeç, banues në Vlorë;
-R. H, 44 vjeç, banues në Tiranë;
-A. Ll., 31 vjeç, banues në Tiranë.
Si dhe është shpallur në kërkim e shtetasit K. L., 28 vjeç, banues në Vlorë.
Nga hetimet dhe provat e siguruara ka rezultuar se këta shtetas në bashkëpunim me njeri-tjetrin, kanë transportuar nga Tirana në qytetin e Vlorës 15 shtetas të huaj (egjiptian), duke i transportuar më pas në rrugë tokësore me automjet deri në qytetin e Orikumit, duke vijuar udhëtimin në këmbë deri në vendin e quajtur “Gjiri i Bristanit”, nga ky dyshohet se do të siguronin kalimin e tyre me mjete lundruese drejt Italisë, kundrejt shpërblimit monetar.
Ndërkohë vijon puna hetimore me qellim identifikimin e personave të tjerë të përfshirë në këtë veprimtari kriminale.
Materialet i kaluan Prokurorisë pranë Gjykatës së Shkallës së Parë Vlorë, për veprën penale “Ndihma për kalim të paligjshëm të kufijve” e kryer në bashkëpunim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
