Ish-ministrja e Financave, Irena Beqiraj, e sheh si të logjikshëm dhe pa ndonjë përfitim për qytetarët pezullimin e koncesionit të check-up. Në një status në “Facebook”, Beqiraj shprehet se pezullimi i këtij koncesioni vjen thjesht dhe vetëm për shkak të pamundësisë së qytetarëve për të përdorur shërbimin në kushtet e karantinës.
“Pezullimi i check up-it ka qenë një masë normale jo për të siguruar më shumë lekë në buxhetin e shtetit (në kuadër të masave për përballimin e koronavirusit), por për shkak të pamundësisë për të përdorur shërbimin në kushte karantine”, shkruan ajo.
Ministrja e Shëndetësisë, Ogerta Manastirliu, njoftoi pasditen e djeshme se koncesioni i check up-it do të pezullohet deri në rikthimin e normalitetit, pas heqjes së masave kufizuese për shkak të epidemisë së koronavirusit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
