Djali i themeluesit të Al Kaedës, Osama bin Laden është dëbuar nga Franca, ku jetoi për vite me radhë duke pikturuar peizazhe në një fshat të Normandisë.
Atij i ndalohet kthimi në Francë dhe shkak për ndëshkimin janë bërë postimet e komenteve në mediat sociale ku ka lavdëruar terrorizmin.
Ministri i Brendshëm Bruno Retailleau tha se kishte firmosur një urdhër që ndalonte Omar bin Laden nga Franca dhe se më herët ishte dëbuar.
“Z. Bin Laden, i cili ka jetuar në rajonin e Orne për disa vite si bashkëshorti i një shtetase britanike, postoi komente në rrjetet e tij sociale në vitin 2023 që lavdëronin terrorizmin”, shkroi Retailleau në X.
Ndalimi administrativ garanton që zoti Bin Laden nuk mund të kthehet në Francë për asnjë arsye.
Djali i liderit të Al Kaedës, tërhoqi vëmendjen e autoriteteve franceze për një postim në rrjetet sociale në ditëlindjen e babait të tij, i cili u vra nga forcat amerikane në vitin 2011.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
