Mediat italiane japin të dhëna të reja në lidhje me aksidentin e shënuar rreth orës 02:00 të mëngjesit në Puglia, ku tre persona mbetën të vdekur pasi mjeti i tyre u përpas nga një tjetër. Viktimat janë dy gra dhe një burrë.
Ata udhëtonin me mjetin e tyre “Toyota Aygo” kur janë goditur nga pas nga një “Fiat Stilo”, i drejtuar nga një i ri 22-vjeçar. Tre personat në mjetin “Toyota” kanë mbetur të bllokuar dhe janë karbonizuar pa pasur mundësi të dalin nga makina.
Ndërkohë, 22-vjeçari, i cili udhëtonte me një tjetër shqiptar në mjetin “Fiat Stilo”, është arrestuar. Ai akuzohet për aksident me pasojë vdekjen dhe drejtim të mjetit në gjendje të dehur. Të dy shqiptarët janë dërguar në spital me dëmtime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
