Mikrobet në stomakun e lopës mund të shpërbëjnë plastikën

Stomaku i lopëve përmbajnë baktere që mund të thërrmojnë plastikën, thuhet në një studim të kryer së fundmi.

Përdorimi i plastikës po krijon një problem gjithnjë e më të madh në ndotjen e planetit dhe shkencëtarët po kërkojnë mënyra për të shpërbërë materialin.

Studimet në vitet e fundit kanë marrë në konsideratë mikroorganizma, përfshirë baktere dhe kërpudha, si mjet biologjik i riciklimit të plastikën.

Studiuesit në Universitetin e Burimeve Natyrore dhe Shkencave të Jetës në Vjenë supozuan se disa prej mikrobeve në stomakun e lopës janë në gjendje të shpërbëjnë poliestrat, për shkak të dietave të tyre. 

Lopët konsumojnë një poliester natyral të prodhuar nga bimët, të quajtur cutin, i cili mund të gjendet në sipërfaqe të domateve dhe mollëve, tha Doris Ribitsch, një shkencëtar i vjetër në ekipin kërkimor për Live Science .

Studiuesit ekzaminuan efektin e lëngut nga stomaku në tre lloje poliesterësh duke inkubuar secilën plastikë për tre ditë. 

U testua në PET (një polimer sintetik që përdoret shpesh në paketimin e ushqimit); PBAT (plastika e biodegradueshme që përdoret zakonisht në qeset plastike); dhe PEF (një material i marrë nga burimet bimore ose perimet). 

Secili lloj u testua si në formën fillestare, ashtu edhe në formëb e pluhurit.

Studimi, i botuar në revistën “Frontiers in Bioengineering and Biotechnology”, zbuloi se të tre plastikat mund të shpërbëhen nga mikroorganizmat që gjenden në stomak, megjithëse ato shpërbënë PEF më së miri. 

Pluhurat plastikë u prishën më shpejt se forma fillestare e plastikës.

Ekipi analizoi ADN-në nga lëngu për të identifikuar cilat mikrobe qëndronin pas shpërbërjes, duke zbuluar se 98% e tyre ishin baktere.

Nga ana tjetër, kërkimi mund të lejojë shkencëtarët të identifikojnë bakteret që çojnë në shpërbërjen e materialit dhe enzimat që ato prodhojnë. 

Ata pastaj mund të krijohen gjenetikisht në laboratorë dhe të përdoren në procesin e riciklimit.

Dr Ribitsch tha se ekipi hulumtues po përpiqej gjithashtu të gjente mikrobe që mund të konsumonin më shumë plastikë të fortë si polietileni. 

"Ndoshta ne mund të gjejmë, në stomakun e lopës enzima që gjithashtu mund të degradojnë polipropilenin dhe polietilenin," tha ajo për Live Science .

Aktualisht, shumica e mbeturinave plastike të Britanisë po digjen ose hidhen.

Një hetim i Greenpeace më parë këtë vit gjeti qese plastike dhe paketim nga shitësit dhe supermarketet e Britanisë të hedhura në vendet nëpër Turqinë e Jugut, duke e çuar organizatën të dënojë firmat britanike për hedhjen e mbeturinave të tyre jashtë vendit.