Presidenti i Serbisë, Aleksandër Vuçiç, ka bërë thirrje dje gjatë një takimi të jashtëzakonshme të Qeverisë serbe për formimin e një ekipi për ta kundërshtuar anëtarësimin e Kosovës në Këshillin e Evropës.
Këtë fakt, eksperti i sigurisë në Kosovë, Milazim Gashi, në një komunikim për ‘MCN live’, e quan betejë të humbur të Serbisë.
Sipas tij, kjo pasi Vuçiç për ti ikur shumë embargove, po kërkon që përmes Kosovës, të futet në arenën ndërkombëtare.
Serbia siç e dimë ka betejën e humbur në arenën ndërkombëtare duke llogaritur që i vetmi shtet i Ballkanit që nuk ka futur embargo ndaj Rusisë, andaj lojërat diplomatike të Serbisë në koncept me BE, është i taktizuar për shkak se Serbia ka ngritur një modalitet të komunikimit në aspekt me Kosovën, ku si target është Republika e Kosovë, andaj Vucic për ti ikur shumë embargove nga faktori ndërkombëtar dhe nga BE, nga SHBA, të aktivizon me këto modele në arenën e brendshme politike në Serbi për ti ikur goditjeve të radhë s nga BE, ku tani siç e dimë ne Serbia me konfliktin në Ukrainë të gjithë aleatët evropiane i ka të humbur në aspekt të arenës ndërkombëtare.
E vetmja mundësi për të qenë pjese e një debati në aspektin evropian është të goditet Kosova dhe aleatët që e ndihmojnë Kosovën.
Analisti i sigurisë, Gashi, vlerëson se Serbia gjendet në panik për faktin se është e rrethuar nga shtetet aleate të NATO-s.
Serbia realisht sipas burimeve që ne kemi, po gjendet në një panik të lartë, ne gjendemi në një situatë me të favorshme se ajo, në aspektin e sigurisë, duke llogaritur shtete e Ballkanit Perëndimor, që na rrethojnë me NATO, andaj Serbia është e rrethuar me aleatët e NATO-s, dhe duke parë nivelin ekonomik rënien dhe te nataliteti i popullit serb, kemi 550 fshatra në Serbi ku nuk jeton askush.
Kështu që Vucic është i obliguar që përmes Kosovës të bëj gjëra taktike dhe te futet në arenën ndërkombëtar të shpëtoj kokën e vet dhe njerëzit brenda spektrit të brendshëm në kuadër të qeverisë së Serbisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
