Ukraina, Michel: Nuk është operacion special, është krim lufte. Ushtarët rusë të hedhin armët

Ky nuk është një operacion special i Rusisë, këto janë krime lufte dhe ne nuk do ta kthejmë shpinën.

Është kjo deklarata e Presidentit të Këshillit Europian, Charles Michel, teksa foli për agresionin rus ndaj Ukrainës në seancën plenare të Parlamentit Europian, paraditen e sotme.

Ne do të bëjmë gjithçka që mundemi për t’i vënë fajtorët para drejtësisë ndërkombëtare. Kam një mesazh për ushtarët rusë në betejë: nëse nuk doni të merrni pjesë në vrasjen e vëllezërve dhe motrave tuaja ukrainase, nëse nuk dëshironi të jeni kriminelë, hidhni armët. Ndaloni së luftuari, largohuni nga fusha e betejës.

Lidhur me sanksionet ai deklaroi se herët a vonë do të jenë të nevojshme masat për naftën dhe madje edhe për gazin.