Moti sot/ Reshje të kohëpaskohshme shiu, temperaturat deri në 15 °C

Ditën e shtunë, vendi ynë do të ndikohet nga kushte atmosferike të paqëndrueshme. 

Moti parashikohet të jetë me vranësira mesatare deri të dendura.

Reshjet e shiut parashikohen të jenë prezente që në orët e para të 24-orëshit deri në orët e mëngjesit me intensitet të ulët deri mesatar në pjesën më të madhe të vendit, në jug reshje shiu me intensitet mesatar deri të lartë, hera-herës shtrëngata afatshkurtra.

Gjatë ditës reshjet e shiut mbeten prezente të herëpashershme me intensitet të ulët deri mesatar në pjesën më të madhe të vendit. Në majat e maleve në verilindje- lindje dhe në Alpe reshje bore me intensitet të ulët e lokalisht deri mesatar.

temperaturat minimale dhe maksimale të ajrit pritet të arrijnë:

në bregdet: 14 / 15 °C

në vendet e ulëta: 12 / 15 °C

në vendet malore: 7 / 11 °C