Organizatorët e Festivalit të Filmit në Kanë kanë lajmëruar shtyrjen e tij për shkak të përhapjes së koronavirusit.
Festivali i filmit, një nga më të mëdhenjtë në botë, do të zhvillohej nga 12-23 maj. Disa data të reja ishin në shqyrtim, përfshirë fundin e qershorit, thuhet në deklaratë. Shtyrja pason disa javë spekulime mbi faktin nëse festivali, i cili tërheq mijëra kineastë, të famshëm.
Franca është në ditën e tretë të një bllokimi që synon të përmbajë përhapjen e koronavirusit.
"Në këtë kohë të krizës globale shëndetësore, mendimet tona shkojnë te viktimat e COVID-19 dhe ne shprehim solidaritetin tonë me të gjithë ata që janë duke luftuar sëmundjen. Festivali i Kanës nuk mund të mbahet në datat e planifikuara, nga 12 deri në 23 maj. Disa mundësi janë konsideruar për të ruajtur drejtimin e tij, kryesorja është një shtyrje e thjeshtë, në Kanë, deri në fund të qershorit-fillimi i korrikut”, thuhet në deklaratë.
Festivali ishte ngjarja e fundit në industrinë filmike që u shty ose anulua.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
