Ish-ministri i Jashtëm, Arjan Starova, e cilëson gjysmake nismën për Ballkanin e Hapur. Në studion e emisionit “Të Paekspozuarit”, Starova tha se problemi qendror që ka kjo nismë është fakti se vë në qendër çështje ekonomike, ndërkohë që ato politike nuk janë zgjidhur ende.
Ideja është e bukur. Kush nuk e do bashkëpunimin? Është e vetmja rrugë për të dalë nga destabiliteti i rajonit. Por kryeministri ynë që i duket vetja si lider global përpiqet ta nxjerrë Ballkanin e Hapur si kundërvënie ndaj procesit të Berlinit që po ngec. Është një gjysmagjel. Edhe procesi i Berlinit mund të mos jetë i arritur, por mund të arrihet nesër. As Ballkani i Hapur nuk do të ecë. Ka një problem të madh: problemet politike të Kosovës dhe Serbisë. Nuk mund të kalosh në ekonomi pa zgjidhur këto.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
