Gjykata e Posaçme kundër Korrupsionit dhe Krimit të Organizuar ka ndërmarrë zyrtarisht një hap tjetwr në çështjen ndaj ish-kryeministrit Sali Berisha.
GJKKO i ka dorëzuar një shkresë Kuvendit ku i kërkon marrjen në pyetje të ish-kryeministrit Sali Berisha.
Nëpërmjet këtij dokumenti, GJKKO i kërkon Kuvendit të vërë në dijeni deputetin Sali Berisha për vendimin e dhënë nga ana e kësaj gjykate, ai i detyrimit me paraqitje.
Shkresa e siguruar është dërguar më 14 nëntor dhe është marrë nga protokolli i Kuvendit.
Në zbatim të urdhrit të gjykatës për komunikimin e vendimit Nr.117 datë 26.10.2025, bashkëlidhur ju dërgojmë vendimin me nr. 117, datë 26.10.2023, e Gjykatës së Posaçme Shkallës së Parë për Korrupsion dhe Krimin e Organizuar, që i përket shtetasit Sali Berisha, me objekt marrjen ne pyetje të personit nën hetime me qëllim marrjen në dijeni nga ana juaj.
Ish-kryeministri Sali Berisha është nën hetim për çështjen e privatizimit të ish-kompleksit Partizani. Ndaj tij është vendosur masa “detyrim paraqitje” dhe iu është bllokuar pasaporta.
Berisha nuk është paraqitur asnjëherë në gjykatë, ndërsa seanca e radhës ndaj tij është parashikuar të mbahet më 20 nëntor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
