Një aeroplan me pasagjerë i linjës Alaska Airlines u detyrua të bëjë ulje emergjente në shtetin amerikan të Oregonit pasi një pjesë e avionit u shkëput në ajër.
Ngjarja u shënua të premten, 5 janar.
Në bord kishte 177 persona, 171 pasagjerë dhe 6 anëtarë të ekuipazhit. Asnjë person nuk u plagos, por Alaska Airlines vendosi të mbante të 65 avionët e saj Boeing 737-9 në tokë si një masë paraprake për kontrolle të jashtëzakonshme të mirëmbajtjes.
"Ne jemi të vetëdijshëm për aksidentin e Alaska Airlines Flight No. AS1282. Ne po punojmë për të mbledhur më shumë informacion dhe jemi në kontakt me klientin tonë të linjës ajrore. Një ekip teknik i Boeing është gati të mbështesë hetimin", shkruan Boeing në X.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
