Analisti Baton Haxhiu komentoi në studion e MCN TV publikimin e fundit të Fox News, i cili e cilëson kryeminsitrin Rama, ndër të tjera, “armik i Trumpizmit”. Haxhiu tha se Fox News nuk përfaqëson median amerikane dhe artikujt me porosi nuk janë gjë e re as në SHBA.
Media amerikane nuk do të thotë që janë të gjitha të nivelit të lartë profesional. Momente porosie ka edhe në Amerikë, madje varësia e porosisë është edhe më e lartë se te në nganjëherë. Fox Neës është një koncept radikal i së djathtës amerikane. Nuk do të thotë se përfaqëson tramp-izimin e sotëm apo të djathtën. Ata dinë të jenë po aq të vrazhdë dhe të pakujdesshëm që në një moment bën propagandë.
Lidhur me kërcënimet e Iranit për Shqipërinë, ai tha se duhen marrë seriozisht.
Kampi më i koncentruar është në Shqipëri. Këto grupacione janë rrezik për pushtetin e ajatollahëve. Nuk e di se deri ku shkon rreziku për Shqipërinë në këtë moment. Ajatollahët janë të kujdesshëm në vrazhdësinë e tyre dhe godasin atëherë kur u rrezikohet pushteti. Shqipëria është e ruajtur nga NATO dhe ky grup është aty në marrëveshje me SHBA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
