Këshilli Bashkiak i Vlorës ka miratuar vendosjen e një tarife prej 700 lekësh për përdorimin e hapësirave publike në plazh, një vendim që ka kaluar me votat e këshilltarëve të majtë dhe është kundërshtuar nga opozita.
Arben Çipa, sipërmarrës tha përmes një lidhjeje të drejtpërdrejtë me studion e MCN Economy se një çmim duhet paguar, por 700 lekëshi nuk është I përballueshëm për të gjithë. Sipas Çipës duhet bërë diferencim mes vizitorëve lokalë dhe turistëve të huaj.
Një çmim duhet paguar se aty ka sipërmarrje, përkujdes, pastërti. Këto i faturohen dikujt që quhet ndoshta bashki. Duhet parë pak më ndryshe sa i përket vizitorëve lokalë. Të bëhet ndryshim mes vizitorit të huaj dhe lokal.
Ka formula dhe propozime që mund të funksionojnë, qoftë edhe me dy standarde. Është e mundur kjo.
700 lekë është shumë e madhe dhe jo e përballueshme. Mbase një propozim i mesëm, dikur tek 400 lekë, ose 500 lekë, edhe kjo e diskutueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
