Murseli: Tirana është treguar indiferente ndaj shqiptarëve të Maqedonisë së Veriut (VIDEO)

<p>Kryetari i Bashkimit Demokratik për Integrim, Ali Ahmeti, u ka dërguar letër udhëheqësve të lartë shqiptarë dhe ndërkombëtarë, duke shprehur shqetësimet e tij lidhur me zhvillimet e fundit politike dhe kushtetuese në Maqedoninë e Veriut. Pedagogu i universitetit të Tetovës, Faton Murseli, e sheh këtë nismë si një orvatje politike të kreut të BDI-së, ndërsa shton se ka indiferencë nga Shqipëria në raport me shqiptarët në Maqedoninë e Veriut dhe në Preshevë.</p> <blockquote> <p><em>Letra e Ahmetit është një orvatje politike. Shteti shqiptar është treguar indiferent. Nuk i ka interesuar shtetit shqiptar zhvillimet në Maqedoninë e Veriut. Përkundrazi e shihni në Greqi, që Greqia i vë veton Shqipërisë për një njeri. Nuk kemi parë qeverinë shqiptare të ngrejë zërin për shqiptarët e Maqedonisë së Veriut apo Preshëvës. </em></p> </blockquote> <p>I pyetur për reagime nga ana e ndërkombëtarëve, Murseli tha se <em>“faktori ndërkombëtar deri tani ka qenë i heshtur dhe i tillë do të jetë edhe më tutje. Nuk janë problem kalkulimet qeveritare. Shqiptarët mund të votojnë kot, votojnë një parti, por kur e sheh partia tjetër ka hyrë në qeveri”.</em></p> <p>Në lidhje me ndarjen e Shqipërisë nga Maqedonia e Veriut sa i takon rrugëtimit të tyre drejt anëtarësimit në BE, Murseli tha:</p> <blockquote> <p><em>Ndarja e MV nga Shqipëria është një lajm i keq, sepse lë të kuptohet se Shqipëria do të ecë përpara. Do të kishim dashur të ecnim bashkë. Por nga ana tjetër mund të jetë edhe lajm i mirë. Shqiptarët janë të integruar në BE. Ata punojnë atje prej vitesh. Emigrimi ka qenë i pranishëm gjithmonë. Pjesa dërrmuese e shqiptarëve janë të integruar në BE. </em></p> </blockquote> <iframe width="560" height="315" src="https://www.youtube.com/embed/43YHhJs4WG0?si=Fqz8rsTBT6qbulxA" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>