Këtë të hënë është hapur gara për kreun e ri të Policisë së Shtetit, për drejtuesit e 12 qarqeve dhe të strukturave kyçe të policisë.
Përzgjedhja e drejtorëve të rinj do të bëhet në bazë të profilit të tyre profesional dhe meritës në punë.
Këtë fakt e përkrah kryetari i Sindikatës së Policisë së Shtetit, Sadedin Fishta, i cili për ‘MCN live”, thotë se pikërisht përzgjedhja e drejtorit të ri të Policisë u bë shkas për futjen e ligjit të ri.
Sipas tij, ky ligj rrit fashën e efektivëve që konkurrojnë në poste drejtuese.
Përzgjedhja e drejtorit të ri të Policisë u bë shkak i futjes së Ligjit të ri për Policinë së Shtetit.
Ligji i ri përcakton saktë praktikën e përzgjedhjes së Drejtorit të ri të Përgjithshëm të Policisë dhe të gjithë kriteret kush ka të drejtë të kandidoj për detyrën e drejtorit.
Ky ligj rriti fashën e punonjësve të policisë deri në nivelin e drejtuesit për të marrë pjesë si kandidat në zgjedhjen e drejtorit të Përgjithshëm, pra fasha e numrit të kandidatëve u zgjerua me ligjin e ri.
Largimi i drejtorit erdhi si rezultat i po këtij ligji i cili detyronte që të linte vakant vendin e drejtorit me qëllim që më pas e gjithë praktika shkresore ti vazhdonin t’iu hapnin rrugë për të bërë të njëjtën procedurë për përgjigjen e drejtuesve të tjerë deri në nivel komisariati.
Për kryetarin e Sindikatës së Policisë, z.Fishta, e mira e ligjit krahasuar me kohët e mëparshme është se të gjithë drejtuesit e komisariateve dhe jo vetëm do të kalojnë në një sitë në komision.
E gjitha kjo sipas tij, bazuar në përformancën dhe përvojën e tyre gjegjëse.
Është ndryshe se më parë se është vendosur që edhe shefat e komisariateve të mandatohet me një periudhë të caktuar, dhe të përgjithshme përmes komisioneve. Ndryshe sa ka qenë më përpara qe emëroheshin nga drejtuesit e policisë, tani ato do kalojnë në një sitë tjetër në komision duke konkurruar me performacën dhe përvojën që kanë për vendin nga shefi i komisariatit deri te drejtorët e Policisë së Shtetit.
Kjo do ti japë mundësi që ti shikojmë edhe njerëz të rinj në drejtimin e policisë.
Fakti që ne tërë policinë do ketë rifreskim të drejtuesve të policisë, vetëm ne strukturat e policisë janë 62 shefa komisariatesh ne shkallë vendi të cilët të gjithë do të kalojnë në komision për të siguruar një mandat për të drejtuar komisariatet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
