Që nga 6 qershori, afro 400 emigrantë të paligjshëm janë arrestuar në protesta në Los Angeles, tha zëdhënësja e Shtëpisë së Bardhë Karoline Leavitt në një konferencë për mediat.
Ndërkohë 157 persona janë arrestuar për sulm dhe pengim të të drejtave të njeriut, përfshirë një për tentativë vrasjeje të një oficeri policie.
Një total prej 4000 trupa të Gardës Kombëtare dhe 700 marinsa janë vendosur për të ndihmuar në shuarjen e trazirave.
Duke folur së bashku me 30 kryetarët rajonalë të bashkive në një konferencë të mërkurën, kryebashkiakja e Los Angeles, Karen Bass, fajësoi për protestat operacionet kundër emigracionit të Presidentit Donald Trump, të cilat ajo tha se provokuan banorët duke shkaktuar frikë dhe panik.
Një javë më parë, gjithçka ishte paqësore. Gjërat filluan të vështirësoheshin të premten kur ndodhën operacionet kundër emigrantëve. Los Angeles ishte pjesë e një eksperimenti kombëtar për të përcaktuar se sa larg mund të shkojë qeveria federale në marrjen e pushtetit nga një qeveri lokale, nga një juridiksion lokal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
