Një ngjarje e rëndë është regjistruar pasditen e sotme në Leskovik, ku dy persona të paidentifikuar kanë kërcënuar me pistoletë, ish kryetarin e Bashkisë së Leskovikut, Fatmir Guda. Vetë ky i fundit ka bërë denoncimin në polici.
Fatmir Guda që mban edhe postin e nënkryetarit të PD-së së Kolonjës dhe anëtar i këshillit bashkiak tha se 2 persona me maska i janë afruar vetëm 30 metra larg shtëpisë së tij dhe i kanë vendosur pistoletën në kokë.
“Dy persona me maska mu afruan ndërsa isha vetëm 30 metra larg banesës time dhe më vendosën pistoletën në kokë dukë më thënë ‘mos i jep shumë gojës se do ta pësosh keq’. Atë më kërcënuan edhe nga familja dhe më paralajmëruan që të mos e denoncoj si ngjarje”- ka rrëfyer vetë Guda ndërsa ka depozituar një kallzim në polici.
Sipas Gudës, ky kërcënim ka qëllime të pastra politike dhe sipas tij këtë incident e lidh me një denoncim që ai ka bërë në prag të zgjedhjeve lokale që u mbajtën sëfundmi në Kolonjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
