Që nga fillimi i pushtimit rus më 24 shkurt, 6,557 civilë janë vrarë dhe 10,074 të tjerë janë plagosur në Ukrainë.
Kështu bëhet me dije në raportin e fundit, të përditësuar dje, nga Komisioneri i Lartë i Kombeve të Bashkuara për të Drejtat e Njeriut.
Shumica e viktimave, thuhet në raport, janë shkaktuar nga armë shpërthyese me efekte të gjera. Komisioneri i Lartë ka paralajmëruar se numri real mund të jetë shumë më i rëndë pasi shumë informacione nuk janë verifikuar ende dhe të dhënat nga disa zona ku luftimet janë duke u zhvilluar ende nuk kanë mbërritur.
Ndërkohë sekretari i përgjithshëm i NATO-s, Jens Stoltenberg ka deklaruar se bashkëpunimi NATO-BE nuk ka qenë kurrë ka kaq i ngushtë.
Mezi pres të marr pjesë në Këshillin e Mbrojtjes të BE. Bashkëpunimi NATO-BE nuk ka qenë kurrë kaq i ngushtë. Ne e kemi çuar atë në nivele të paprecedentë dhe është shumë i rëndësishëm në dritën e pushtimit rus të Ukrainës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
