Të paktën një person u vra dhe tre të tjerë u plagosën nga të shtëna arme pranë një qendre votimi në Kaliforninë jugore.
Të shtënat ndodhën gjatë orëve të pasdites në qytetin Azusa, pranë Los Anxhelosit, ndërsa njerëzit po votonin për zgjedhjen e presidentit të vendit.
Të shtënat vazhduan edhe ndaj oficerëve të policisë që mbërritën menjëherë në vendngjarje. Pas një shkëmbimi zjarri, autori u largua dhe u fsheh në një banesë të zonës.
Policia bllokoi zonën, në të cilën ndodhen dy qendra votimi dhe një shkollë.
Nuk janë dhënë detaje të mëtejshme për incidentin. / VOA /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
