Presidenti i SHBA, Donald Trump, ka thënë se një samit historik me liderin e Koresë së Veriut, Kim Jong-un, i paralajmëruar për muajin e ardhshëm, nuk mund të ndodhë.
Ai tha se Veriu duhet të plotësojë kushtet për samitin që të vazhdojë edhe nëse nuk do të ndodhë në datën e caktuar, kjo mund të ndodhë "më vonë".
Shefi i Shtëpisë së bardhë këto deklarata i bëri gjatë pritjes së presidentit të Koresë së Jugut, Moon Jae-in, në Uashington për të diskutuar rreth këtij samiti.
Por Trump nuk tha se cilat kushte i kishte vendosur SHBA për samitin, por i pyetur nga një gazetar rreth arsenalit bërthamor të Veriut, ai tha se duhet të bëhet "denuklearizimi".
Samiti i 12 qershorit do të zhvillohet në Singapor, por ai i paraprin një tjetër takimi mes të dy liderëve koreanë në prill.
Koreja e Veriut pritet të shpërbëjë një vend testimi bërthamor këtë javë dhe ky mund të ishte një vendim i mirë, por prishja mund të vonohet nga moti i keq.
Javën e kaluar, Koreja Veriore kishte paralajmëruar se mund të anulojë samitin nëse SHBA-të këmbëngulin në heqjen dorë të armëve bërthamore në mënyrë të njëanshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
