Një zjarr i madh ka shkaktuar vdekjen 29 personave dhe plagosjen e 26 të tjerëve në një qendër sportive në Korenë e Jugut.
Flakët u përhapën në ndërtesën 8-katëshe në qytetin e Jecheon, pasi një makinë shpërtheu në flakë në bodrumin e qendrës.
Imazhet dramatike tregojnë njerëz duke kërkuar ndihmë dhe flakë që kanë përfshirë edhe majën e ndërtesës.
Një person u hodh nga dritarja për t'i shpëtuar "ferrit", raportojnë mediat vendase dhe se shumica e viktimave u gjetën në një sauna të katit të dytë të qendrës.
Zyrtarët thonë se numri i të vdekurve mund të shtohet, ndërsa zjarrfikësit vazhdojnë kërkimin e tyre për të mbijetuarit.
Rreth 20 vetë u shpëtuan, dhe disa të mbijetuar u dërguan menjëherë në spital për t’u trajtuar.
Plot 60 zjarrfikës morën pjesë në këtë operacion, 169 km në juglindje të Seulit.
"Tymi i madh vazhdon ende të pengojë operacionet e kërkim-shpëtimit, thonë autoritetet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
