Kur kanë kaluar mbi 1 vitë nga grushti i shtetit në Turqi, vijnë edhe dënimet e para.
Ditën e sotme Gjykata e Stambollit ka dënuar me burg të përjetshëm 15 persona të cilët janë akuzuar për pjesëmarrje në tentativën për të pushtuar selinë e Partisë për Drejtësi dhe Zhvillim (AK Parti) në Stamboll.
15 pjesëtarë të organizatës terroriste FETO, janë dënuar nga gjykata për tentativën e pushtimit të selisë së partisë në pushtet më 15 korrik të vitit të kaluar, kur organizata në fjalë tentoi të shkelë rendin kushtetues dhe të përmbysë qeverinë e drejtuar nga presidenti Rexhep Taip Erdogan.
Për katër të akuzuarit, gjykata u ka dhënë burg të përjetshëm i dyfishtë ndërsa 11 të akuzuar janë dënuar me burg të përjetshëm.
Organizata terroriste FETO në vitet e 70-ta të shekullit të kaluar filloi të infiltrojë të besuarit e saj në institucionet e sigurisë së Turqisë, që në vitet e 80-ta në masë të konsiderueshme forcoi piramidën e saj paralele brenda këtyre institucioneve, raporton agjensia e lajmeve "Anadollu". Më këta persona që sipas autoriteteve turke janë pjesë organizatës terroriste FETO që drejtohet nga kleriku Fehtulla Gylen, më 15 korrik të vitit të kaluar kryen grushtin e shtetit të dështuar me qëllim të cenimit të rendit kushtetues dhe përmbysjes së pushtetit të zgjedhur në mënyrë demokratike në Turqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
