Sociologu Gëzim Tushi deklaroi në emisionin “Arnautistan” në MCN TV se institucionet e edukimit në Shqipëri kanë probleme, duke theksuar se nuk bëhet sa duhet për parandalimin e krimeve.
Po ashtu Tushi u ndal te rritja e numrit të divorceve në vendin tonë, duke u shprehur se Shqipëria është evropianizuar në këtë drejtim.
Kriminaliteti në Shqipëri ka dy probleme, kemi dobësuar institucionet e parandalimit të krimit, merremi gjithmonë post-factum. Të bën përshtypje indiferenca e opinionit publik. E dyta është siguria e budallait, që kjo ndodhi në Roskovec, s’ka lidhje me mua. Shteti dhe klasa politike të mendoje që familja ka filluar të bjerret, shkolla ka problemet e veta, shoqëria civile, media. E dyta janë ato që kanë të bëjnë me ndëshkimin, edhe ato s’i kemi mirë. Dhuna dhe krimi s’janë defekte kulturore, janë akte kriminale. Martesën e bëjmë me mendjelehtësi edhe divorcin me dhunë. Divorci është rritur, gati të evropianizuar në mënyrë të sigurt, 30 për qind po, mos po vete 40 për qind. Divorci është kazma e martesës, ka shumë pasoja sociale. Numri i fëmijëve me prindër të divorcuar është në rritje. Barbaria e dhunës mbi gratë është mesjetar, nuk është në nivele evropiane. Akoma ekziston mentaliteti që prindërit i thonë gruas së dhunuar kthehu te burri dhe fëmijët. E shohin femrën vetëm si qenie riprodhuese, kjo është barbari dhe shkelje e të drejtave të saj si qenie sociale”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
