Koronavirusi në Itali, në 24 orët e fundit numri më i ulët i viktimave

Numri i viktimave të koronavirusit në Itali arrin minimumin që nga fillimi i pandemisë.

Në 24 orët e fundit, vetëm tre persona kanë ndërruar jetë nga Covid-19.

Sipas të dhënave të buletinit të fundit, numri i përgjithshëm i vdekjeve ka arritur në 35 045.

Edhe numri i rasteve të reja me Covid ka rënë në 24 orët e fundit në Itali.

Sipas të dhënave nga Ministria e Shëndetësisë, janë 219, krahasuar me 249 që ishin dje.

Pacientët pozitivë me Covid-19 aktualisht janë 12 440, të shëruar 196 949.

Asnjë vdekje nga koronavirusi nuk është regjistruar në Lombardi, javë më parë zona më e goditur.