Facebook-u, sërish në shënjestër të hetimeve për privatësinë

Facebook është i shqetësuar për disa email-e që mund të tregojnë se Zuckerberg-u ishte në dijeni për praktikat e dyshimta lidhur me privatësinë.

 Facebook Inc zbuloi email-e që duket se tregojnë lidhjen e Shefit Ekzekutiv Mark Zuckerberg me problematikën e praktikave të privatësisë në kompani, raportoi Wall Street Journal të mërkurën.

Brenda kompanisë, zbulimi i postës elektronike gjatë përgjigjes ndaj një hetimi të vazhdueshëm federal të privatësisë ka ngritur shqetësime, nëse ishin të dëmshme për Facebook-un, të paktën nga pikëpamja e marrëdhënieve me publikun, nëse bëheshin publike, raportoi WSJ .

Raporti thotë se nuk mund të përcaktohet saktësisht se çfarë email-esh ka kërkuar Komisioni Federal i Tregtisë dhe sa prej tyre lidhen me Zuckerberg-un.

"Ne kemi bashkëpunuar plotësisht me hetimin e Komisionit Federal të Tregtisë deri më sot dhe kemi dhënë dhjetëra mijëra dokumente, email dhe dosje", thotë zëdhënësi I kompanisë.

Komisioni Federal i Tregtisë dhe Departamenti i Drejtësisë, që  zbatojnë ligjet e mosbesimit  në Shtetet e Bashkuara, janë duke u përgatitur për të hetuar nëse Amazon.com Inc, Apple Inc, Facebook dhe Alphabet’s Google keqpërdorin fuqinë e tyre masive të tregut.