Miliarderi Elon Musk ka ndarë me ndjekësit suksesin e kompanisë së tij Neuralink në implementimin eksperimental të çipit të parë në trurin e një njeriu.
Sipas Musk pacienti i parë që i është nënshtruar një procedure të tillë është në gjendje që vetëm me mendim të lëvizë masuin e një kompjuteri.
"Pacienti duket se ka bërë një shërim të plotë dhe pa efekte anësore. Ai është në gjendje të lëvizë mous-in rreth ekranit vetëm përmes mendimit. Ne po përpiqemi që të japim sa më shumë komanda përmes mendimit. Ne padyshim që dëshirojmë më shumë se dy komanda.
Deklarata e Musk vjen vetëm një muaj pasi kompania e tij neuroteknologjike realizoi ndërhyrjen e cila ishte një ambicie e miliarderit që në vitin 2016 kur ai synonte komunikimin e drejtpërdrejtë të trurit dhe kompjuterëve.
Sipas Musk kjo mund të ndihmojë në një të ardhme të afërt në fushën e mjekësisë si për trajtimin e çrregullimeve neurologjike dhe Parkinsonit.
Ky u fundit shkon edhe më tej duke thënë se dëshiron arritjen e një marrëdhënie simbiotike midis njerëzve dhe inteligjencës artificiale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
