Fenomeni Barbie godet kinematë në të gjithë botën. Por në Rusi kukulla më e dashur nga brezat e vajzave, në versionin “feminist” të sjellë në ekranin e madh nuk pëlqehet. “Kukullat e shitura në Rusi nuk duhet të promovojnë vlera jo tradicionale për vendin,” tha për RIA Novosti, deputetja Maria Butina, anëtare e Komitetit të Çështjeve Ndërkombëtare të Dumës. “Jam kategorikisht kundër shfaqjes së kukullave në dyqanet tona, apo kukullave që promovojnë marrëdhëniet e të njëjtit seks”, shtoi ai. Sipas Butinës, kukullat Barbie të Mattel janë motori i axhendës LGBT, gjë që është e papranueshme në Rusi sipas ligjit që ndalon propagandën e tyre. Presidenti rus Vladimir Putin nënshkroi një ligj në vitin 2013 që ndalon propagandën e homoseksualëve, lesbikeve dhe transgjinorëve mes fëmijëve. Rusët rrezikojnë një gjobë deri në 5000 rubla, zyrtarët deri në 50.000, dhe personat juridikë deri në një milion. Në të njëjtën kohë, Putin ka deklaruar vazhdimisht se askush nuk shkel të drejtat e komunitetit LGBT në Rusi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
