Zëdhënësi i Forcave të Mbrojtjes së Izraelit, IDF, Daniel Hagari, tha gjatë një konference për shtyp se Irani po ndihmon Hamasin me shkëmbimin e inteligjencës, trajnime dhe me mesazhe anti-izraelite në internet.
Hagari tha gjithashtu se kur përfaqësuesit iranianë në Irak, Jemen dhe Liban ndërmarrin veprime, ata janë nën urdhrat e Teheranit.
Ai tha se IDF-ja goditi 5 celula terroriste libaneze ditën e kaluar.
Më tej paralajmëroi banorët e Gazës veriore që të lëvizin në jug përpara se të fillojë pushtimi tokësor, duke shtuar se ata nuk duhet të dëgjojnë Hamasin i cili u thotë të qëndrojnë në vend.
Hagari vazhdoi duke thënë se ata do të mund të kthehen në veri të Gazës pas përfundimit të luftës.
Hagari përditësoi numrin e vdekjeve të ushtarëve të IDF në 308 dhe mbajti numrin e raportuar prej 222 pengjesh në Gaza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
