Janë rreth 1 200 gratë dhe vajzat e zhdukura pa gjurmë në 5 muajt e fundit në Peru. Askush nuk e di ku ndodhen, por në të vërtetë e dinë të gjithë.
Shumë prej tyre (nëse jo të gjitha) mund të jenë vrarë brenda mureve të shtëpisë, kjo e fundit e kthyer në burg për shkak të karantinës.
Peruja (vend me 30 milionë banorë) është një nga vendet në të cilat dhuna gjinore dhe ajo në familje është endemike, por edhe e toleruar.
Kjo është arsyeja pse mbyllja në shtëpi për shkak të Covid-19 mund të ketë bërë të shpërthejë dhuna mbi nënat, gratë, motrat dhe bijat.
Sipas Al Jazeera-s, “para COVID-19, pesë gra zhdukeshin në ditë në Peru, por pas bllokimit, ky numër shkoi në tetë”. Ministria e Grave thotë se qeveria po punon për të çrrënjosur dhunën gjinore dhe këtë vit i ka shtuar financimet për programet e parandalimit të saj. Por rezultatet nuk janë entuziazmuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
