110 avionë janë parashikuar të ulen gjatë këtyre 24 orëve në Rinas, dhe 107 të tjerë do të nisen nga “Nënë Tereza” në drejtim të Europës.
Por shtimi i numrit të fluturimeve në aeroportin e Rinasit për shkak të turistëve ka krijuar vonesa në disa destinacione drejt Italisë, kryesisht nga kompania Wiz Air.
Pasagjerët që zbritën këtë të shtunë në Rinas, shprehen se pati vonesa në udhëtim, por ndryshe nga dy ditët e para, situata duket paksa më e normalizuar.
Sugjerimi i udhëtarëve që frekuentojnë aeroportin më të madh të Shqipërisë, është që të zgjerohet më shumë si kapacitet, dhe të operojnë më shumë sportele gjatë verës.
Referuar statistikave të INSTAT në periudhën se vetëm gjatë muajit maj kanë hyrë në Shqipëri 1.6 milion turistë të huaj dhe shtetas shqiptarë, ndërsa në total në muaj e parë të këtij viti Janar-Maj kanë hyrë 3.3 milion shtetas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
