Për Kim Jong Un, Koreja e Jugut përfaqëson “armikun kryesor”. Tonet e nxehta të liderit të Koresë së Veriut shoqëruan vizitën e tij në disa fabrika të armëve dhe municioneve në vend.
Kim, i shoqëruar nga zyrtarë të lartë të partisë dhe ushtrisë, deklaroi më pas se prioriteti i Phenianit, siç raportohet nga agjencia zyrtare shtetërore e lajmeve KCNA, duhet të jetë “së pari forcimi i aftësive ushtarake vetëmbrojtëse dhe parandalimit bërthamor”.
Koreja e Veriut nuk do të nisë një konflikt “në mënyrë të njëanshme, por nuk ka ndërmend të shmangë as një luftë”.
Nëse Koreja e Jugut përdor forcat e saj të armatosura kundër Koresë së Veriut ose kërcënon sovranitetin dhe sigurinë e saj, nuk do të hezitojmë ta asgjësojmë atë.
Dy Koretë janë ende teknikisht në luftë që nga përfundimi i konfliktit në 1953, e cila përfundoi me një armëpushim, jo me një traktat paqeje. Për më shumë se 70 vjet, gadishulli ka përjetuar periudha të alternuara tensionesh të larta dhe relaksimi relativ.
Marrëdhënia e tyre aktualisht është në pikën më të ulët në dekada. Vitin e kaluar, Koreja e Veriut e ka mbrojtur statusi i fuqisë bërthamore në Kushtetutën e saj dhe ka lëshuar disa raketa balistike ndërkontinentale, në kundërshtim me rezolutat e Kombeve të Bashkuara.
Shtetet e Bashkuara të Amerikës, Koreja e Jugut dhe Japonia akuzojnë Phenianin për shkelje të sanksioneve ndërkombëtare sepse po dërgon raketa në Rusi, në luftë me Ukrainën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
