Kuvendi do të mbajë sot dy seanca plenare, ku ndër të tjera do të shqyrtohet nisma e PD për shkarkimin e Niko Peleshit. Gazetari Mariglen Kume në një raportim për Mcn Live bën me dije se nuk pritet surpriza, pasi opozita s’i ka numrat për shkarkimin e Peleshit.
“Shumica e deputetëve ka ardhur dhe pritet nga momenti në moment të nisë seanca e parë parlamentare. Sot do të kemi dy seanca parlamentare. Seanca e parë do jetë për nismën e PD që kërkon shkarkimin e Niko Peleshit, pasi pretendojnë se në seancat 16 dhe 18 shtator, kryetari i Parlamentit ka shkelur Kushtetutën. Kanë kërkuar mocion për shkarkimin e kryetarit të Parlamentit. Sipas raportit të përgatitur nga ana e mazhorancës s’do të ketë një shkarkim, pasi sipas mazhorancës kreu i Kuvendit s’ka kryer asnjë shkelje të kushtetutës. Nuk pritet të kemi ndonjë surprizë, pasi kërkohet shumicë e cilësuar për shkarkimin e kreut të Parlamentit dhe opozita nuk arrin dot t’i bëjë këto vota. Në 11:30 do të jenë një sërë institucionesh të pavarura që do raportojnë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
