Një kompani në Rimini të Italisë i ka shpërblyer 27 punonjësit e saj me një javë pushime në Karaibe. Pothuajse të gjithë me familje, punonjësit e “Lasersoft” do të festojnë pas 4 janarit në plazhet e bukura të Karaibeve.
Në fakt, kompania ka arsye të festojë. Në vitin e 30-të të punës, ajo është lider në sektorin e programeve kompjuterike për hotelet, restorantet, baret, dyqanet dhe aktivitete të tjera tregtare.
“Pa punën tuaj, nuk do t’ia kishim dalë të zgjeronim biznesin. Ata janë kapitali ynë i vërtetë”, i kanë thënë dy drejtuesit, Antonio Piolanti e Marco Pesaresi, portalit lokal “Il Resto del Carlino”.
“Shumë punojnë sikur të ishte kompania e tyre, me impenjim dhe disponibilitet që shkon përtej pritshmërive. Nuk u tremben orëve jashtë orarit dhe as thirrjes së drejtuesve në raste urgjence”, thonë ata.
Kompania i ka njoftuar punonjësit se shpenzimet e familjarëve duhet t’i mbulojnë vetë.
Fatura në total për 1 javë pushime në Karaibe arrin në 2.5 milionë euro.
Por ky nuk është udhëtimi i parë i punonjësve me shpenzimet e kompanisë. Në vitin 2008, ata festuan në Dubai.
Atëherë ishin më pak në numër dhe këtu vlen të thuhet edhe diçka tjetër. Kompania nuk punëson më shumë se 2 persona në vit dhe përzgjedhja e kandidatëve është shumë e kujdesshme. / Corriere della Sera /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
