Një ngjarje e rëndë ka tronditur mesditën e sotme qytetin e Fierit.
Një adoleshente është gjetur e pajetë në tualetin e shkollës profesionale në qytetin e Fierit. Sipas informacioneve të para mësohet se viktima është e reja me inicialet A. R, 17 vjeçe e cila studionte për dizanj.
Policia thotë se në trupin e vajzës nuk janë konstatuar shenja dhune dhe dyshohet se vdekja mund të ketë ndodhur nga ndonjë helmim ose problem shëndetësor.
“Më datë 06.03.2017, ora 14:40, njoftohemi se në Spitalin Rajonal Fier ka shkuar e vdekur nxënësja A.R, 17 vjeç, nxënëse e shkollës profesionale “Murialdo”. Nga hetimi paraprak i ngjarjes rezulton se nxënësja A.R ka shkuar në tualetin e shkollës dhe nuk ka dalë prej andej për një kohë të gjatë. Më pas kanë shkuar për kontroll personeli i shkollës dhe disa nga shokët e klasës dhe rreth orës 14:25 e kanë gjetur nxënësen të shtrirë në dyshemenë e tualetit, kanë lajmëruar ambulancën dhe e kanë nisur për në spital. Nga kqyrja nuk janë konstatuar shenja dhune në trup”, sqaron policia e Fierit.
Po bëhet kqyrja nga mjeku ligjor për të dalë në konkluzionin e shkakut të vdekjes. Hetimet vazhdojnë për sqarimin e rethanave të kësaj ngjarje. Shkolla profesionale shërben si qender sociale ku aplikohen mesime për profesione si mekanik elektricist, sekretare etj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
