Ndërron jetë në moshën 99-vjeçare, Princi Philip, në Kështjellën Windsor, vetëm disa javë pasi u lirua nga një spital i Londrës dhe u ribashkua me bashkëshorten, Mbretëreshën Elizabeth.
Duka i Edinburgut, i cili kohët e fundit ishte trajtuar nga një problem në zemër dhe një infeksioni, vdiq të premten në mëngjes, vetëm dy muaj para ditëlindjes së tij të 100-të.
“Me dhimbje të thellë, Mbretëresha njofton vdekjen e bashkëshortit të saj të dashur, Lartësisë së Tij, Duka i Edinburgh, Princ Philip. Shkëlqesia e tij i mbylli sytë paqësisht këtë mëngjes në Pallatin Mbretëror”, shkruhet në njoftimin zyrtar. Njoftimet e mëtejshme do të bëhen në kohën e duhur. Familja Mbretërore bashkohet me njerëz në të gjithë botën për të mbajtur zi për humbjen e tij", thuhet në deklaratën e Pallatit Buckingham.
Flamujt në Doëning Street u ulën në gjysmë shtizë pas njoftimit. Ministrat e qeverisë dhe politikanë të tjerë të lartë bënë homazhe në mediat sociale.
Duka i Edinburgut u përshkrua një herë nga Mbretëresha si "forca" e saj dhe ka qenë një prani e vazhdueshme pranë saj për më shumë se 70 vjet. Lindur në 1921, Philip shërbeu në Marinën Mbretërore dhe është bërë i njohur ndër vite për shakatë e tij.
Pasi u takua për herë të parë me Mbretëreshën, Elizabeth, nuk ‘ia hodhi kurrë sytë’ një gruaje tjetër. Duke lënë mënjanë ambiciet e tij të karrierës, ai provoi ndjenjën e tij të fortë të detyrës duke i shërbyer vendit përmes qindra angazhimeve çdo vit, duke refuzuar të ndalonte punën edhe në të 90-at.
Ai u bë mbrojtës ose president i 800 organizatave, themeloi Duka i Edinburgh Aëards në 1956-n dhe fitoi një vend në zemrat e kombit për batutat e mprehta. Ai lë pas katër fëmijë, tetë nipër e mbesa dhe tetë stërnipa. Philip u largua nga jeta publike në gusht 2017, duke u tërhequr në moshën 96 vjeçare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
