Në mars, autoritetet kufitare amerikane morën në paraburgim 18,890 fëmijë emigrantë të pashoqëruar nga Amerika Qendrore, shifra më e madhe mujore e regjistruar, kjo pasi që pas marrjes së Presidencës Biden nuk ka ndryshuar asgjë për imigrantët, duke vijuar kështu politikën e Trump.
Një arsye tjetër e përshkallëzimit, sipas ekspertët, është se emigrantët e dëshpëruar që kanë shitur gjithçka në shtëpi për të bërë udhëtimin, po përpiqen të kalojnë kufirin më shumë se një herë pasi fillimisht nuk kishin hyrë në sistemin e azilit në SHBA. Të rriturit beqarë përbënin rreth 58% të të gjithë emigrantëve pa dokumente të hasur në kufi dhe shumica dërrmuese e tyre u dëbuan, thanë zyrtarë të lartë të administratës.
"Pothuajse të gjithë dëbohen përsëri në Meksikë pa u lejuar të kërkojnë azil, duke bërë që shumë të kalojnë në mënyrë të përsëritur, duke ngritur më tej shqetësimet", tha Aaron Reichlin-Melnick, këshilltar politik në Këshillin e Imigracionit Amerikan.
Në përgjithësi, numri i emigrantëve që kaluan kufirin jugor në mars ishte më shumë se 172,000, niveli më i lartë për çdo muaj në të paktën 15 vjet. Sidoqoftë, shumica e tyre u kthyen menjëherë në Meksikë ose vendet e tyre sipas ligjit ‘Titullin 42’, një ligj i errët i shëndetit publik që administrata Trump përdori për të dërguar menjëherë emigrantët e hasur në kufi përsëri në Meksikë ose vendet e tyre të origjinës, duke bllokuar në mënyrë efektive këdo që të ketë hyrje në sistemin amerikan të azilit.
Fenomeni i kalimit të kufirit SHBA-Meksikë nga fëmijët, vetëm, pa prindërit, pavarësisht se kanë udhëtuar në rajon me një prind, është një nga rrugët e pakta në SHBA. Prindërit, të bllokuar në disa nga qytetet kufitare më të rrezikshme të Meksikës dhe të pasigurt se kur do të jenë në gjendje të kalojnë së bashku si familje, kanë vendosur të lënë fëmijët e tyre të drejtohen në SHBA pa ta.
Shifra e marsit prej 18.890 të mitur të pashoqëruar ishte gati dyfishi i asaj të shkurtit, 9.431 të mitur.
Dogana dhe institucioni Mbrojtja e Kufirit nuk pranuan të komentojnë se sa fëmijë të pashoqëruar të marrë në paraburgim në mars ishin dërguar më parë menjëherë në Meksikë me një prind nën ligjin ‘Titullin 42’.
Zyrtarët e administratës së Biden thanë se kanë bërë përparim, duke përfshirë hapjen e më shumë vendeve për emergjenca. Numri mesatar ditor i fëmijëve të transferuar nga objektet e Patrullës Kufitare u rrit nga 276 në fund të shkurtit, në 507 një muaj më vonë.
Burimi: BuzzFeedNews
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
